吴博士讲历史| “治大国若烹小鲜”

1. 新闻以《老子》“治大国若烹小鲜”切入,认为“小鲜”指鱼肉,因鱼肉只可蒸、炆等烹饪方式,不可炒(炒则散),类比治国需团结,否则国家会分崩离析。 2. 进一步解释“治大国”为何是“烹小鲜”:引用《老子》“天下大事,必作于细”“反者道之动”“柔弱胜刚强”,指出弱小一方更具优势,符合老子“柔弱胜刚强”的观点。 3. 以鱼肉特性类比“柔弱胜刚强”:鱼肉虽软却难嚼烂,夹硬嚼会更硬剩渣,暗示柔弱具备韧性;但脆肉鲩肉质硬却失鱼味,似乎显示刚强未必能胜柔弱。

佛山市新闻传媒中心

《老子》讲“治大国若烹小鲜”,即系话,识煮餸就可以治国?究竟煮咩餸有咁高境界啊?

“鲜”,指嘅应该系“鱼”。鱼肉最特别之处,就系只可以蒸、炆、炸、焗,千奇唔可以炒。因为一炒,鱼肉就会散晒。呢一点,同“大国”好相似。如果四分五裂,仲点叫做“大”呢?所以,鱼唔可以炒,炒散咗就无啖好食;国家一定要团结,唔系就会分崩离析。当然,有人话有一种鱼系炒唔散嘅喔,不过,估计大家都唔想畀老细炒鱿鱼嘎。

咁点解“治大国”好似煮“小鱼”咁,而唔系“大鱼”呢?因为《老子》认为“天下大事,必作于细”,万事万物都系向相反方向发展嘅。所谓“反者道之动”,弱小嘅一方往往更有优势。所以《老子》经常强调“柔弱胜刚强”。呢个,又同鱼肉嘅另一个特性非常相似。

鱼肉虽然好软,好容易散,但系大家食鱼果阵有无发现,鱼肉系点嚼都嚼唔烂嘅?夹硬嚼落去,只会越嚼越硬,最后剩低一啖渣。系唔系好似《老子》讲嘅“柔弱胜刚强”呢?而家又有一种叫做脆肉鲩嘅新品种,肉质好硬,点煮都煮唔烂。可以讲,颠覆晒我哋以往对鱼肉嘅认知。不过,硬质化之后嘅鱼肉,又好似争啲鱼味,似乎刚强仲未胜得过柔弱,唔知大家有无试过呢?

统筹:毛蕾

文、出镜|吴劲雄

视频摄制|佛山市新闻传媒中心记者刘浩斌 实习生宋灿阳、任晓泳