《吴博士讲历史|会“叫”嘅鱼 你“听”过未?》
1. 新闻以“会叫嘅鱼”切入,介绍主角为《诗经》记载的黄颡鱼(俗称黄骨),其名源于叫声,《本草纲目》载其群游作声如轧轧,湖南称“黄鸭叫”、东北叫“嘎牙子”。 2. 黄骨鱼会叫是保护机制,发声时竖起胸鳍背鳍利刺警示敌人,被刺会痛且含轻微毒素,需注意与塘虱(背鳍无刺、尾无分叉)的区别。 3. 黄骨鱼肉质细嫩无肌间刺(适合老人小孩),因淤泥多带泥腥味,宜用炆、滚汤、豉汁陈皮蒸等方式烹饪,捉鱼可用细渔网防其滑溜。 4. “骨鱼”除黄骨鱼外,还有马面骨(脂肪高、肉质偏黄)、长江骨(体型大、鱼鳔厚滑),仅黄骨鱼会叫,三者各有特色。


我国有一种会叫嘅鱼,大家经常见得到、食得到,但系食果阵有无谂过,原来佢系会叫个喔?
讲历史,觅新知。大家好,我系吴博士。
娃娃鱼会叫,不过佢唔系鱼,而系两栖动物。我哋要讲嘅系《诗经》里面已经出现嘅“鲿”,(《诗经·周颂·潜》:有鳣有鲔,鲦鲿鰋鲤),即系黄颡鱼,我哋俗称嘅黄骨。《本草纲目》记载:“黄颡,无鳞鱼也,群游作声如轧轧”。所以,系我国好多地方,都用佢嘅叫声来命名呢种鱼。比如:湖南叫做“黄鸭叫”,东北叫做“嘎牙子”,系唔系好似呢?
黄骨鱼嘅叫声,其实系一种保护机制,佢叫果阵同时会竖起胸鳍、背鳍嘅利刺,警示敌人唔好靠近。(再插一个不同的叫声场景)如果比佢吉(刺)到,唔单止又痛又流血,仲有轻微毒素!所以大家又习惯叫佢做“骨鱼”。同塘虱系唔同一个品种。最重要区别就系:塘虱背鳍无刺,条尾无分叉。
黄骨鱼只有大嘅骨架,无肌间刺,肉质细嫩,被《肇庆府志》称为“肉甚旨”,尤其适合老人同细民仔食用。由于黄骨比较中意生活系河塘底层,淤泥多,多少有哋泥腥味,所以比较适合炆、滚汤,或者用豉汁陈皮蒸。
黄骨鱼成身滑潺潺,刺又多又毒,劏果阵好易吉(刺)亲,咁点样捉住佢呢?(千万不要粗暴地摔它、敲晕它)教大家一个简单实用嘅方法,套个细渔网系只手度,就点捉都唔会滑。唔单止骨鱼,用来捉白鳝、泥鳅都完全无问题。
常见嘅骨鱼,除咗黄骨,仲有马面骨(长臂鮠)、长江骨(长吻鮠)。不过目前只发现黄骨鱼会叫,其他都唔会。不过,马面骨脂肪含量高,肉质偏黄色;长江骨体型巨大,特别系鱼鳔,又厚又滑,系传统名菜。呢三种骨鱼,都各有特色。如果有机会,大家可以深入探究,藏在唔同鱼身上嘅各种奥秘!
统筹:毛蕾
文、出镜|吴劲雄
视频摄制|佛山市新闻传媒中心记者刘浩斌
实习生|任晓泳、宋灿阳

