吴博士讲历史|炒菜点解叫做“炒餸”

1. 新闻解释广东人将“炒菜”称作“炒餸”的原因,源于汉语中名词与动词相互转化的普遍现象,吴博士以“绳(绳之以法)”“夹(夹实)”“锁(锁住)”等为例,并列举广东话特有的“嘴(嘴佢一啖)”“车(车货)”等例子说明此现象。 2. “炒餸”的“餸”字体现该转化:“送”本指佐餐动作(普通话“下饭”),后逐渐指代佐餐菜肴,类似“送药”(缓解药苦味的陈皮等),另有“遮(雨伞)”“补掩(补丁)”“翻归(回家)”等通过动作转化为物件或地点的例子。 3. 新闻指出,汉语中兼备动、名性质的字叠加使用可形成新动词,广东话此类表达丰富(如“画画”“数数”“油油”“袋袋”“纽纽”“对对”),且例子比普通话更多,提及普通话“尿尿”亦可视为此类现象一例。

佛山市新闻传媒中心

点解广东人会将“炒菜”叫做“炒餸”呢?

讲历史,觅新知,大家好,我系吴博士。

汉语里面有一种普遍现象,一个表示名词嘅字,好多时候,系可以当动词来用嘅。反之亦然。比如绳,绳之以法;夹,夹实;锁,锁住。广东话独有嘅,仲有:嘴,嘴佢一啖(即系锡佢一下);车,车货(运输货物),你车到人啦(你开车撞到人哋啦)。

“炒餸”嘅“餸”,系动词用成咗名词。食饭果阵,各种菜肴系用来“送”饭嘅。广东人所讲嘅“送饭”,亦即系普通话嘅“下饭”。送下,送下,原来表示佐餐动作嘅“送”,就逐渐指代成佐餐嘅菜肴。同“餸饭”一样,广东话仲有“送药”嘅讲法,指嘅系帮助缓解药物苦味嘅陈皮、话梅果啲嘢。

广东话嘅“遮”,同“餸饭”嘅用法差唔多,都系将“遮雨”嘅动作转化为“遮雨”嘅物件,亦即系雨伞。仲有“补掩”(即系烂咗嘅衫嘅补丁),用掩盖嘅动作表示掩盖之物。“翻归”(即系回家),用归去嘅动作表示归到之处。

呢种现象最特别嘅,系兼备动词、名词性质嘅同一个字,叠加使用之后,变成一个新嘅动词,比如画画、数数。画字既表示画,又表示画完之后嘅画。简洁得来,仲好生动。呢种表达,广东话仲有好多例子。比如油油(刷油漆),袋袋(将啲嘢放系袋里面),纽纽(纽翻粒纽),对对(写对联)。数起身,比现时普通话嘅用法仲加多。不过,有位老友话我漏咗个普通话嘅典型例子喔,系咩呢?佢话系:尿尿。

统筹:毛蕾

文、出镜:吴劲雄

视频摄制|佛山市新闻传媒中心记者刘浩斌

实习生任晓泳、宋灿阳